Uyab sang Tanan

ni

Elenor Nieles

Sa gab-i nga walay tuhay,
Sa higad baybay ako gapahuway.
Salamat sa bulan nga manayaay.
Nakita ko si Inday naglabay.
Siya akon ginpaypay,
Agud tani mag-isturyahanay.
Waay ako ginsapak ni Inday?!
Ngaa man ay?
Akon siya ginpalapitan,
Agud tani maathagan.
Sang sa malapit na...
Akon nabatian, pangalan ni Dan-dan!
-Ang gwapo nga uyab sang tanan.
Si Inday gahilibion duman...
Sa pila ka tikang,
Siya akon napalapitan.
"Inday, Ngaa man?"
Pamalangkutanon ko sa akon abyan.
Luha iya ginpahiran.
"Ako may naluyagan...
Imo mana nahibaluan."
Sa dayon siya akon nahangpan.
"Ngaa si Dan-dan pa man?"